Генералниот директор на МААЕ неодамна ја иницира Програмата за стипендии „Мари Склодовска-Кири“ во обид да ги охрабри младите жени да продолжат со својата кариера во нуклеарната наука и технологија, нуклеарната безбедност и неширење на нуклеарното оружје, соопшти
Министерството за образование и наука.
- Програмата „Мари Склодовска-Кири“ ќе стипендира до 100 избрани кандидати годишно, во зависност од расположливите средства, ќе ја покрива универзитетската школарина до 10.000 евра годишно и животните трошоци до 10.000 евра годишно врз основа на локацијата на универзитетот. Стипендиите ќе се доделуваат за двегодишни магистерски студии во области поврзани со нуклеарната наука - истакнуваат од МОН.
Аплицирањето за циклусот MSCFP 2020 се отвора на 14 август, а крајниот рок за пријавување е 11 октомври 2020 година. Kандидатките можат да аплицираат за овие стипендии за академските години 2020/2021 и 2021/2022.
Повеќе информации може да најдете на
www.iaea.org/MSCFP