Пред една година никој не би помислил дека најпознатиот светски циркус „Сирк ду солеј“ би можел да банкротира. Од компанијата изјавиле дека поднеле документи за заштита пред банкрот во Монтреал, Канада.
Компанијата планира да ги реструктурира своите долгови за да спречи банкрот како резултат на прекините во работата поради пандемијата. „Сирк ду солеј“ престана да ги одржува сите 44 претстави во март и отпушти 95% од своите вработени, од кои над 1.300 во Лас Вегас.
Од компанијата изјавиле дека ќе отпуштат и речиси 3.500 вработени од другите држави како дел од реструктурирањето. Во планот за реструктурирање на долгот, „
Сирк ду солеј“ добива финансиска помош од 300 милиони долари од своите инвеститори, од кои 200 милиони долари доаѓаат од канадската владина агенција за инвестиции. Овие пари треба да ѝ помогнат на компанијата да продолжи со функционирање додека повторно не почне со работа.
Компанијата нема план кога и дали ќе продолжи со одржувањето на своите претстави. Според финансискиот план, компанијата има долг од најмалку 900 милиони долари.
Овој потег може да доведе до продавање на компанијата бидејќи нејзините инвеститори ќе може да ја откупат компанијата по намалена цена. Компанијата треба да ја знае својата нова инвеститорска структура за неколку месеци.
Извор:
reviewjournal.com
Фото: Instagram