Сè повеќе луѓе што консумираат поголемо количество марихуана имаат шизофренија, покажува ново истражување спроведено во Данска. Во 1995 г., прекумерното консумирање канабис било поврзано со 2 отсто од случаите на шизофренија во земјата. Овој процент се зголемил на 4 отсто во 2000 г. и на 8 отсто по 2010 година, пренесува Си-ен-ен.
- Мислам дека е многу важно да се искористи нашето истражување и други истражувања за да се посочи и нагласи дека консумацијата на канабис не е безопасна - изјавил Карстен Хјортој, главниот истражувач.
Фото: Pexels
Според него, забележана е врска помеѓу прекумерното консумирање марихуана и шизофренијата, послабата когнитивна работа, нарушувања со користење други супстанции и други проблеми со менталното здравје. Во Данска е нелегално консумирањето марихуана, а се дозволува само во медицински цели.
Фото: Pixabay
Истражувањето користело податоци од данскиот здравствен регистар и ги вклучило сите луѓе родени во Данска пред 31 декември 2020 г., кои биле стари најмалку 16 години, започнувајќи од 1 јануари 1972 г.
Истражувањето ги анализирало само лицата што имале клиничка дијагноза за прекумерно користење марихуана.
Линк до истражувањето
Извор:
CNN