Глава тешка 120 килограми е скулптура која е дело на мексиканскиот уметник Рубен Ороско. Оваа скулптура се појавува и исчезнува секој ден во зависност од нивото на водата во реката, а е создадена како дел од кампањата која се обидува да ја стимулира дебатата за одржливоста.
Морничавата скулптура наликува на живо девојче кое се дави во реката и ги вознемири жителите на шпанскиот град Билбао откако се појави без претходна најава. Уметникот што ја направи скулптурата го нарече делото Бихар, што на бакиски јазик значи утре.
- Целта е да се подигне свеста на луѓето дека нивните постапки можат да нѐ потонат или да нѐ одржат во живот - вели уметникот.
Луѓето во Билбао првпат ја забележале скулптурата минатиот четврток.
Фондацијата „Би-би-кеј фондејшн“, која стои зад скулптурата, вели дека ова е сликата на она што би можело да се случи ако продолжиме да вложуваме во неодржливи модели што придонесуваат за климатските промени.
„Бихар“ не е прво дело на овој уметник што го изненади и вознемири Билбао. Пред две години статуа од осамена жена во природна големина што седи на клупа во парк предизвика дебата за осаменоста кај постарата популација.
Извор:
Sky News
Фото: Sky News