Пиењето алкохол на возраст меѓу 20 и 40 години претставува ризик од мозочен удар. Луѓето што пијат умерени до големи количини алкохол се повеќе изложени на опасност од оние што пијат помалку или воопшто не. Научниот труд е објавен во списанието „Неуролоџи“ (Neurology).
Намалувањето на алкохолот кај возрасната група од 20 до 40 години може значително да ја намали опасноста од мозочен удар кај младите. Истражувачи од Националната универзитетска болница во Сеул работеле со доброволци кои биле подложени на четири медицински прегледи и дале информации за своите навики за пиење. Сите пациенти биле следени шест години.
Според податоците потоа, луѓето што пијат најмалку 105 грама алкохол седмично може да се дефинираат како умерени или тешки алкохоличари. Нискиот внес е еднаков на помалку од 105 грама алкохол во седмица.
Стандарден пијалак во САД содржи 14 грама алкохол. Тоа е еднакво на 340 милилитри пиво или 140 милилитри вино.
Младите луѓе на возраст меѓу 20 и 40 години што пиеле најмалку 105 грама – две или повеќе години потоа имале 20 отсто поголема веројатност да добијат мозочен удар отколку оние што воопшто не пијат или што пијат по малку. Ризикот се зголемува со текот на годините и потрошувачката. По четири години умерено или повеќе од умерено пиење, ризикот веќе достигнува 23 отсто.
Извор: МИА