Овој месец небото ни приредува неколку интересни небесни шоуа.


Еден од најголемите познати астероиди, „2 Палас“, ќе биде најсветол на 9 април, така што ќе биде лесен за забележување особено затоа што ќе помине покрај една од најсјајните ѕвезди на северното пролетно небо. Наоѓајќи се на 236 милиони километри од Земјата, оваа џиновска небесна карпа официјално ќе биде во опозиција, кога на небото е спротивно од Сонцето, видено од Земјата. Приближно 524 километри широк, „Палас“ ќе може да се види дури и од градовите загадени со светлина во наредните неколку недели.


На 11 април Марс ќе се најде во близина на црвената ѕвезда Алдебаран, позната како окото на Бикот.

Надгледувачите на небото ќе можат да видат црвена светлина на небото на 11 април, како што двата најсветли и најцрвени небесни објекти ќе се „стуткаат“ еден до друг. Погледнете на запад откако ќе падне мрак за да го видите румениот Марс како се приближува до многу посветлата црвена ѕвезда Алдебаран, позната како окото на Бикот.


Во часовите пред зората на 22 април, метеорскиот дожд Лириди ќе го достигне својот врв. Под идеално, темно небо, можеме да очекуваме да видиме помеѓу 15 до 20 ѕвезди што паѓаат на час за време на овој годишен метеорски дожд. Но, оваа година љубителите на астрономијата ќе се соочат со посветла месечина, што значи дека нејзиниот отсјај би можел да ја попречи глетката на метеорскиот дожд. Најдобриот поглед би го доживеале во темните доцни ноќи на 21 и 22 април.

Лиридите имаат изненадувачки изливи, каков што се случи во 1982 година кога се појавиле 250 метеори во еден час. И во 1922 година над Европа се појавиле 500 ѕвезди што паѓаат на час. Овие спектакли не можат да се предвидат, па единствениот начин да знаете што ќе се случува е да го набљудувате небото.



Неколку утра откако Јупитер ќе биде близу Месечината, неверојатниот Сатурн ќе има можност да се „дружи“ со Месечината на небото. Ако имате телескоп, ова ќе биде прекрасна можност.