Една фотографија на социјалната мрежа „Редит“ предизвика вистинска бура во виртуелниот свет. Многу луѓе поверуваа дека на сликата е Стив Џобс, кој почина во 2011 година.
Луѓето сметаат дека Џобс ја лажирал својата смрт и сега ужива во сето она што претходно не можел. Фотографијата е направена во Египет, а на интернет се појави неодамна, прикажувајќи човек кој неверојатно личи на Џобс, а седи во замислена поза, по која Џобс беше познат.
Некои веруваат и дека тој се откажал од неговиот препознатлив моден стил - фармерки и ролка и се посветил на духовноста и будизмот.
Некои теоретичари на заговор напоменуваат дека таткото на
Џобс бил Сириец од Хомс, па наведуваат дека поради тоа не е неверојатно Стив, по лажираната смрт, да се преселил блиску до родната земја на родителите.
Фото: Reddit