„Фејсбук“ откри дека со помош на алатка минатата година открил и отстранил повеќе од 6 милијарди лажни профили од својата социјална мрежа. Ова се дополнителни бројки, покрај милионите лажни профили што „Фејсбук“ секојдневно не дозволува да се креираат.

Според компанијата, алатката се развивала две години и е една од најнапредните методи на „Фејсбук“ за борба против лажните профили. Алатката е способна да го препознае однесувањето на лажните профили помеѓу вистинските со тоа што анализира илјадници карактеристики.


Меѓу другото, алатката го зема предвид бројот на барања за пријателство испратени од страна на профилот и групите од кои станува дел. Моделот е способен да се менува како што се адаптираат лажните профили.

Бохра Чарбауи од „Фејсбук“ изјавила дека алатката го намалила бројот на лажни профили на мрежата за 27%. Таа претпоставува дека на социјалната мрежа во моментов има околу 5% лажни профили.


„Фејсбук“ и порано отстранувала милијарди лажни профили од мрежата, но отстранувањето на 6,6 милијарди профили годишно е рекорд.

Извор: Engadget.com