Дипломираните студенти на Универзитетот на Југоисточна Европа, според Центарот за кариера, продолжуваат да се атрактивни за пазарот на трудот во Северна Македонија и во регионов.

Вкупната стапка на вработеност на дипломираните студенти од УЈИЕ, според последниот извештај на Центарот за кариера е 69,84%, а стапката на невработеност е 30,16%. Од вкупниот број на вработени дипломирани студенти, 83,73% се вработени со полно работно време, 9,03% се самовработени (поседуваат сопствен бизнис), 4,81% се вработени со скратено работно време и 2,40% се практиканти.

Дипломираните студенти од Факултетот за современи науки и технологии имаат најголема стапка на вработување со 79,48%; Факултет за бизнис и економија со 63,29%, следен е Правниот факултет со 54,23%, Факултетот за јазици, култури и комуникација со 53,33% и Факултетот за современи општествени науки со 43,10%.

Во однос на периодот на вработување, податоците од извештајот покажуваат дека 33,13% од дипломираните студенти на УЈИЕ биле вработени пред дипломирањето; 25,90% во рок од 1-3 месеци; 9,03% во рок од 4-6 месеци по дипломирањето и 7,83% повеќе од една година по дипломирањето.

Податоците на Центарот за кариера докажуваат дека студентите се задоволни од студиите и условите за студирање на Универзитетот. Повеќето од дипломираните студенти кои продолжуваат со постдипломски студии го продолжуваат своето образование на УЈИЕ (85,60%) и од вкупниот број на дипломирани студенти кои учествуваат во истражувањето, 97,62% би им препорачале на другите студенти Универзитет на Југоисточна Европа.

Центарот за кариера на УЈИЕ собра податоци од вкупниот број дипломирани студенти во 2019 година, а истражувањето беше спроведено во периодот од 22.02.2021 до 15.03.2021 година.

(Комерцијална објава)