„Букинг“ почна да прима апликации за третата годишна програма наречена „Букинг Бустер“, со која им дава парична поддршка на стартап-компаниите во секторот на одржлив туризам. Се бараат решенија врз основа на технологија за совладување предизвици со кои се соочува одржливиот туризам во различни подрачја.
Од „Букинг“ издвојуваат четири клучни подрачја за иновации:
- Рамномерна распределба на придобивки и позитивни ефекти од туризмот;
- Создавање економски можности за жените со помош на технологијата за патување;
- Промовирање инклузивен раст за локалните заедници со недостиг на ресурси;
- Заштита на животната средина.
Во натпреварот „Букинг Бустер 3.0“ за 2019 година можат да учествуваат десет стартап-компании од секторот за одржлив туризам кои се подготвени да ги зголемат своите бизнис-планови во рамките на тринеделната програма за забрзување што ќе се одржи во мај наредната година во Амстердам, а „Букинг“ ќе обезбеди и ментори-експерти од самата компанија.
Оваа програма ќе се состои од серија предавања, практични работилници и советодавни обуки. Потоа, бизнис-идеите ќе се натпреваруваат за награди вредни до 500.000 евра. Пријавите за програмата се веќе отворени, а компаниите ќе можат да аплицираат до 2 декември 2018 година.
Повеќе информации можете да пронајдете
ТУКА.