Градот Риркаипи во североисточниот дел на Русија деновиве е преполн со гладни поларни мечки поради невообичаено топлото време.

Во околината се забележани над 50 мечки. Така е поради тоа што на приморските области, каде што тие грабливци вообичаено ловат, нема доволно ледена покривка.

- Речиси сите мечки се недохранети - вели Татјана Миненко, која е дел од здружението одговорно за спречување блиски средби меѓу овие животни и луѓето.

Како што соопшти организацијата, иако поларните мечки се честа појава во тоа подрачје, ретко се случува во толку голем број да се доближат до населени места.