Најдолгиот мост на светот, 55 км, што ги спојува Хонг Конг и Макао, има една посебна карактеристика, а тоа е дека возачите преку еден негов дел ќе мора да возат на десната страна, додека на другиот дел ќе мора да се префрлат на левата.

Иако мостот се смета за импресивен градежен подвиг, експертите велат дека возачите можат да се збунат.

Ограничената брзина е 100 километри на час, а одлучено е возилата на „кинескиот“ дел да возат на десната и да се префрлат на левата страна кога ќе преминат на делот на Хонг Конг и Макао, поради единствените сообраќајни правила во овие градови.