Папата Франциск на плоштадот „Македонија“ одржа света литургија на која присуствуваа граѓани од земјава и од странство. Тој упати пораки за мир, соживот, за поголема љубов кон Бога и кон луѓето.
Ова е прва и воедно историска посета на еден папа на Северна Македонија. За папата Франциск, пак, ова е 42. земја што ја посетува.
- Рамнодушноста и клеветите да се заменат со чувствителност и надеж, да се надминат стереотипите и повеќе да се грижиме еден за друг. Гладни сме за добрина и солидарност. Навикнати сме да го јадеме тврдиот леб на дезинформацијата - рече папата на литургијата на плоштадот „Македонија“.