Германското друштво за фотографирање на природата штотуку ги објави победниците на натпреварот „Фотограф на природата на годината 2020“, а фотографиите се прекрасни.
- Поради пандемијата на коронавирусот, гласањето не беше спроведено на годишниот генерален состанок, туку беше направено на интернет, што е првпат во историјата на друштвото, со големо учество на неговите членови - соопштуваат од друштвото.
Фотографите се натпреваруваа во 7 категории: птици, цицачи, други животни, растенија и габи, пејзажи, студиото на природата и специјалната категорија - вода.
- Беа поднесени 5.046 фотографии. По претходна постапка на жирито, членовите на друштвото требаше да направат свој избор од десет фотографии во секоја од седумте категории - соопштуваат од друштвото.
Оваа година главниот победник е Питер Линдел од Дортмунд, Германија, со неговата фотографија на која се наоѓа европскиот зајак. Линдел е страстен фотограф кој главно се фокусира на локалната и на африканската фауна.