Доколку сакате кучиња, но немате услови за чување, размислете за патување во Сомерсет, Англија. Таму има туристичка атракција каде што може да играте со златни ретривери. Има опција и за преспивање на локацијата наречена „Голден ретривер експериенс“.


Гостите може да поминуваат време со пријателските кучиња, меѓу кои има и слатки кутриња. Тие може да ги хранат или да играат со нив. Локацијата станала популарна откако Тили Вошер објавила видео од центарот на „Тик-ток“. Во нејзиното видео се гледаат десетици златни ретривери како играат во тревата, трчаат и скокаат.


Центарот бил повторно отворен на 12 април, претходно бил затворен поради пандемијата. На веб-страницата на центарот пишува дека кучињата се тренирани и се пријателски настроени.


Посета од два часа чини 80 долари за возрасни, 69 долари за пензионери и 40 долари за деца. Влезот за деца под две години е бесплатен. Може да се резервираат и подолги сесии од три и четири часа што чинат 125 долари, односно 166 долари.

Автор: Екта Јоши
Извор: luxurylaunches.com