Во Шангај, Кина, може да се забележат роботски кучиња на улиците на кои се прикачени звучници преку кои се потсетуваат жителите дека треба да останат дома.
Во градот е забрането движењето поради зголемениот број заразени со коронавирусот. Шангај е затворен од крајот на март, откако потсој на омикрон предизвика пораст во новозаразените лица.
Роботите-кучиња не се единствените машини што се движат по улиците на Шангај. Медиумите пренесуваат дека кинеските власти користат и дронови со звучници за да ги потсетат жителите дека треба да останат дома.
Според „Ројтерс“, граѓаните не смеат да излезат од домовите дури ниту за да го фрлат ѓубрето. На 3 април во Шангај биле регистрирани речиси 8.000 асимптоматски случаи и 438 симптоматски случаи на коронавирусот.
Извор:
Futurism
Насловна фотографија: Twitter (printscreen)