Бетовен бил роден во сиромаштија, Моцарт умрел во сиромаштија, а Имануел Кант никогаш не го напуштил родниот град Кенингсберг. Ова се само некои од митовите за гениите низ историјата што не се вистинити.

Николај Гогољ немал темна коса

Многумина го замислуваат рускиот писател со темна коса, но се чини дека тоа е погрешно. Тој имал светла коса кога бил дете, а потоа му потемнела. Сепак, дури и во зрелите години немал сосема темна коса и го опишувале како човек со руса коса.


Бетовен не бил роден во сиромаштија

Славниот композитор бил роден во семејство во кое таткото заработувал добро од работата како музичар. Семејството живеело во убава куќа и делумно успехот на Бетовен се должи на неговите родители, кои ги најмиле најдобрите учители за него.


Ханс Кристијан Андерсен сакал деца 

Често може да се слушне дека Ханс Кристијан Андерсен не го сакал фактот што неговата публика се децата и дека неговите сказни впрочем биле наменети за возрасни. Вистина е дека тој не сакал да биде запаметен само како писател на детски приказни, но тој ги сакал децата и честопати им читал.


Имануел Кант патувал и надвор од Кенингсберг

Кант живеел во Кенингсберг целиот свој живот, но тоа не значи дека никогаш не го напуштил. Во период од 4 години филозофот работел како наставник надвор од родниот град.


Толстој не носел само селска облека

Постои мит дека Толстој носел селска облека, а причина за тоа е една слика од него во таква облека. Но, на писателот не му се допаднал тој портрет. Толстој носел едноставна облека додека работел физичка работа, но кога бил дома или во јавност, носел обична облека, и тоа од направена од стари материјали.


Моцарт не живеел во сиромаштија

Композиторот бил многу успешен музичар и заработувал доволно за да води пристоен живот. Тој и неговата сопруга трошеле повеќе отколку што заработувал, па во времето кога починал семејството било во долгови. Но, многу од долговите ѝ биле простени на сопругата на Моцарт и таа потоа добивала месечен надомест. Кога станува збор за неговиот погреб, тој бил закопан во масовна гробница бидејќи таква била традицијата во тој период.


Извор: brightside.me