Како и да го пресечете, лебот е прекрасен. Најверојатно си купувате исечен леб во пластична кеса, но ако сакате корчест багет, веројатно дома ќе си го однесете во хартиена кеса. Од каде доаѓа тој специјален третман?

Има теоретичари на заговор кои имаат став за тоа зошто лебот од пекарниците се продава во хартиени кеси. Знаете што се случува кога нема да ја затворите пластичната кеса од вашиот исечен леб, нели? Мувлосува. Тоа значи дека багетите што се во отворена кеса ќе мувлосаат побргу и ќе морате да се вратите и да купите уште. Ете, решена мистерија. Но, не баш. Бајатоста не е многу поврзана со причината зошто овој вид леб се пакува во хартиени кеси.

Нема потреба да се обидувате да ја задржите векната свежа подолг период. Лебовите без додадени масти или шеќери, како багетите, се со најдобар квалитет само неколку дена по печењето. Па, ако не планирате да ја изедете целата векна во рок од 48 часа откако сте ја купиле, очекувајте да се случи едно од следниве нешта: лебот ќе стане мек и влажен ако се стави во пластична кеса или средината од лебот ќе стане тврда како и корката. Ако не планирате да ја јадете векната на едно седнување, чувајте го вашиот исечен леб свртен наопаку во хартиена кеса. Тоа ќе ја задржи мекоста на внатрешноста (за кратко, но сепак), а корката ќе остане крцкава.

Ако се обидувате да зачувате каков било вид леб свеж подолг период, ставете го во фрижидер.

- Пробавме сè што можете да замислите за да ја задржиме свежината на лебот. Но, ништо не функционира толку добро како замрзнување и одмрзнување. Повеќето луѓе би рекле „не ставај го во фрижидер, побрзо ќе мувлоса“. Ако потоа правите тост со тој леб или го загревате, тоа не е важно - вели Натан Мирволд, автор на книги за готвење.