Во универзум каде што светот запира за финалето на „Игра на троновите“, а филмовите како „Подемот на Скајвокер“ се гориво за консумерска културна војна, серијата „Темнина“ е нешто за кое сите треба да зборуваме и дискутираме.

Но, не зборуваме, и тоа е чудно.

Серијата совршено ја комбинира внатрешната семејна драма со патувањето низ времето, а третата и последната сезона на „Темнина“  („Dark“) неодамна ја доживеа премиерата на „Нетфликс“.

Во основа серијата е oд жанрот мистерија. Слично како „Почудни нешта“, првата сезона на „Темнина“ е фокусирана исклучиво на потрагата по исчезнато дете. Но, во оваа серија детето не избега во паралелен универзум, туку во различно време, односно во минатото.


Заплетот во серијата и ликовите, кои се поврзани меѓу себе, се комплексни до тој степен што „Нетфликс“ создаде посебна веб-страница на која можете да ги следите сите ликови и односите меѓу нив. Доколку се збуните и заборавите некој, можете да погледнете на веб-страницата што ќе ви помогне да запомните многу работи. Во основа, веб-страницата нуди семејно дрво од сите ликови што се појавуваат во серијата, како и местата каде што се случуваат дејствијата во серијата и листа со сите сезони и епизоди.

Што се однесува до крајот на серијата, не постои начин на кој би биле задоволени сите гледачи. Причината за ова е затоа што „Темнина“ е полна со парадокси.