Пред влезот на една месарница во Гетеборг, Шведска, пред неколку дена имало паркинг, но сега таму се наоѓаат клупа, маса и простор за оставање велосипеди и електрични мопеди. Станува збор за шведски експеримент познат како „едноминутен град“.
Вакви инсталации се појавуваат низ Шведска како дел од проектот на владата наречен „Стрит мувс“, чија цел е да види што ќе се случи со урбаните површини кога ќе се отстранат автомобилите. Планот е до 2030 година на улиците во Шведска да има повеќе луѓе отколку автомобили.
Засега во рамките на проектот се предвидува поставување инсталации на поранешни паркинзи за автомобили. Инсталациите вклучуваат клупи, маса и паркинг за велосипед и електричен мопед.
Зад проектот стојат државната агенција за иновација и националниот музеј за архитектура и дизајн на Шведска „Арк Дес“, а вклучени се и локални фирми и иноватори. Според луѓето што работеле на проектот, жителите на Гетеборг го користат новиот простор за седење и средби со пријателите.
Наскоро се планираат слични трансформации на паркинг-места во места за седење и во други градови во Шведска.
Автор: Ричард Оранџ
Извор:
theguardian.com
Фото:
Instagram