Луѓето ви оставаат впечаток во првите 30 секунди откако ќе ги запознаете. Говорот на телото и она што го зборуваме се важни фактори за да оставите добар впечаток. Затоа, кога ќе сретнете некого, фокусирајте се на него и не избегнувајте го бидејќи оставате лош впечаток.
Ако ги правите овие работи, оставате лош впечаток кај другите:
1. Гледате во часовникот
Ова ќе им даде до знаење на другите луѓе дека ви е здодевно и дека едвај чекате да си заминете. Ако навистина брзате и треба да си заминете, известете ги. Ставете тивок аларм на вашиот телефон и кога ќе дојде време, извинете се. Луѓето подобро ќе го прифатат тоа отколку ако не им кажувате ништо и постојано гледате во часовникот.
2. Слабо и несигурно ракување
Слабото ракување испраќа порака дека не се грижите за другата личност. Ова е особено лошо кога станува збор за некој од вашето работно место бидејќи оставате негативен впечаток без да бидете свесни за тоа. Цврсто ракувајте се (но не премногу) за другата личност да разбере дека сакате да ја запознаете и дека сте навистина среќни. Исто така, обидете се да одржувате контакт со очите, но не премногу интензивно бидејќи тоа може да направи другите да се чувствуваат непријатно.
Фото: Pexels
На пример, ако држите телефон или книга, оставете ја настрана или на маса во текот на разговор. Не сакате другата личност да мисли дека ви пречи во нешто. Отстранувајќи ги сите работи што стојат меѓу вас, и двајцата ќе се чувствувате поповрзани.
4. Отстранувате влакна од облеката
Коса, влакна, трошки на облеката може да почне да ве нервира, но оставете го нивното отстранување за подоцна. Ако го правите ова додека сте со луѓе, тие ќе имаат впечаток дека не сте заинтересирани и дека не ве интересира она што го зборуваат. Не сакате да покажете непочитување кон другите и дефинитивно не сакате другите да изгубат почит кон вас.
5. Триење на рацете додека сте на деловен состанок
Триењето на рацете додека некој ги презентира своите идеи може да остави впечаток дека не сте импресионирани. Покрај тоа, лицето може да се изгуби и да застане сред презентација. Ова создава негативни вибрации. Не тријте ги рацете, туку ставете ги на телото или држете ги на масата.
6. Вртење на нозете кон вратата
Не вртете ги нозете во правецот каде што сакате да одите ако разговарате со некого. Ова ќе му каже на другото лице дека не ви е приоритет и дека едвај чекате да заминете. Вклучете се во разговорот и држете ги нозете свртени кон лицето пред вас.
7. Седите на работ од столот
Начинот на кој седите за време на деловен состанок или вечера може да испрати различни пораки до сите вклучени во комуникацијата. Седењето на работ на столот покажува дека ви е непријатно и дека не сте сигурни во себе и во вашето мислење. Седнете удобно и опуштете се. На овој начин ќе им покажете на сите дека сте сигурни во себе и во своите идеи.
8. Не го повторувате однесувањето на другите луѓе
Не зборуваме за копирање на однесувањето на луѓето како роботи - едноставно следете што прават. На пример, ако некој се насмевне, можете да го сторите истото и да покажете дека го следите она што го велат присутните. На тој начин тие ќе почувствуваат дека ја имаат вашата поддршка и доверба и ќе продолжат со она што го кажале со уште поголема доверба. Повторувањето на однесувањето е исто така убав начин да се обидете да разберете друга личност и да ги видите работите од нејзина перспектива.