Британец вработен во аукциска куќа помагал да се истовари испорака кога сфатил дека древни керамички садови од Авганистан имале голема сличност со стариот глинен сад во кој си ја чувал четкичката за заби. Набрзо открил дека неговиот сад, кој го купил за 6 долари, е антички сад создаден пред 4.000 години.
Ова било неочекувано откритие за Карл Мартин, кој работи во аукциската куќа „Хансонс“ во Етвал, Дербишир. Карл го купил садот пред пет години.
- Веднаш ми се допадна. Се сомневав дека може да е многу стар, но потоа заборавив. Специјализирав за британска историја, а не за светска историја, така што не сум експерт во ова поле - вели тој.
Фото: Hansons Auctioneers
Експертот за антиквитети од „Хенсон“, Џејмс Бренли, го идентификувал садот како дело од бронзеното време на цивилизацијата Харапан во долината Инд, регион на модерен Авганистан, кој бил познат како лулка на раната цивилизација.
- Веројатно бил вратен во Велика Британија пред неколку години од богати патници - вели Џејмс.
Откако дознал што поседува, Мартин го понудил садот во аукциската куќа „Хансонс“. Аукциската куќа го опишала парчето како „добро обоен керамички сад со насликана декорација на која се наоѓаат антилопа и други мотиви“.
Садот бил продаден за 100 долари.