Побарувачката за работници во Германија е поголема од кога било. Индексот на работни места на Федералниот завод за вработување во април бил највисок досега, со 138 поени. Вредноста на индексот била за 2 поени повисока отколку во март и за 33 поени поголема од вредноста во април 2021.

Крајот на поголемиот дел од ограничувањата поради пандемијата и пролетното заживување на пазарот на труд придонеле за порастот на работни места во април. Забележано е зголемување на работни места во речиси сите сектори, особено во угостителството.

Недостигот на работници во некои сектори е опасност за економијата, изјавил заменик-премиерот на Северна Рајна-Вестфалија, Јоаким Стамп. Според него, потребно е брзо законско спроведување на претходен договор со кој за мигрантите е доволен договор за работа за да добијат легален пристап до германскиот пазар на труд. Освен тоа, се бара и укинување на сите забрани за работа.


- Не можеме веќе да си дозволиме да ги одбиваме оние што се желни за работа - нагласил Стамп, кој е и министер за семејство и интеграција во сојузната држава Северна Рајна-Вестфалија.

Експертот за пазар на труд во политичката партија ЦДУ/ЦСУ, Марк Биадас, повикал на проширување на законот за примање странски класифицирани работници.

- Проблемот на германскиот пазар на труд не е невработеноста, туку невработеноста сама по себе е проблем - изјавил тој, додавајќи дека недостигот на работна сила ги зголемува цените и го забавува заздравувањето на пазарот на труд, кој мора да стане попривлачен за имигрантите.

Извор: Vecernji
Насловна фотографија: Pixabay