„Фејсбук“ постои веќе долго време. Низ годините оваа социјална мрежа промени многу свои функции, така што голем дел од корисниците не ги знаат сите и не ги следат сите новости.
1. Поштенско сандаче за кое не сте знаеле
Ако имате фејсбук-профил подолго време, тогаш веројатно имате поштенско сандаче полно со непрочитани пораки за кое не сте ни знаеле. Во него, најголемата социјална мрежа во светот испраќа барања и пораки за луѓе што не се наоѓаат на вашата листа со пријатели.
Фото: Profimedia
Како до нив? На иконата за порака, во паѓачкото мени постои и опција за барање пораки, под која можете да ги гледате филтрираните пораки. Подгответе се за изненадување.
2. Погледнете кој ви влегол во компјутерот
Ако ве интересира дали некој во вашиот профил се логирал без дозвола, рецептот е едноставен. Во поставките, под опцијата „Security and report“, погледнете ја листата со уреди на кои сте логирани.
Тука можете да пронајдете и информации за градот, видот на уреди и пребарувачи, а ако некоја активност ви изгледа сомнително, можете да ја отстраните од листата.
3. Преземање на сѐ што досега сте направиле на „Фејсбук“
Секој пост, порака, слика, видео, па дури и содржина на разговорите спаѓа овде. Доколку сакате да имате сѐ на едно место, по „Settings“, одете на „General“ па „Your Facebook Information“.
Ова е корисна опција ако некогаш сакате да го деактивирате вашиот профил, а и открива сѐ што „Фејсбук“ знае за вас. Би се изненадиле.
3. Пронајдете фотографии што му се допаднале некому
На „
Фејсбук“ напишете „Photos liked by...“ и следете ги опциите што ви се нудат. Вака можете да погледнете сѐ што му се допаѓа на вашиот/вашата партнер/ка, пријатели, семејство, па дури и на познати личности.