Главниот координативен кризен штаб усвои повеќе заклучоци од одлуки и препораки на Комисијата за заразни болести кои ќе бидат доставени до Владата, која за нив ќе одлучува на следната владина седница.
Помеѓу усвоените заклучоци се и укинувањето на обврската за носење маски за време на физичката настава во средните училишта, како и укинувањето на забраната за екскурзии и настава во природа, се вели во денешното соопштение на кризниот штаб.
Усвоен е и заклучокот за укинување на обврската за носење заштитни маски во затворен простор, со исклучок на здравствените установи, јавниот превоз, аптеките и домовите за возрасни лица.