Учениците во Шведска се враќаат на училиште на 17 август. Освен нив, од оваа година училишните автобуси ќе се користат и од другите жители на една општина.

Општината Норкепинг претставила план со кој ќе воведе две училишни линии кои ќе поврзуваат повеќе населби во општината. Овие училишни линии ќе бидат достапни и за постарите жители, не само за учениците. Сепак, учениците ќе имаат предност, а возрасните ќе може да ги користат автобусите само доколку има доволно слободни места.

На овие две линии, јавноста ќе може да се вози бесплатно, а целта е да се олесни патувањето до работните места. Станува збор за пилот-проект кој ќе ги поврзува руралните предели од општината со урбаните населби.

Пробниот проект ќе биде оценет во декември и ќе се одлучи дали праксата ќе продолжи.

Извор: The mayor
Насловна фотографија: Pixabay