Швајцарската банка и компанија за финансиски услуги – UBS (United Bank of Switzerland) во рамките на големото годишно истражување за цените и заработките, меѓу другото, се позанимавала и со цените на кафето во различни градови во светот.




Истражувањето се осврнало на цената на една шолја кафе во вообичаено кафуле. Биле споредувани цени на шолја црно кафе со просечна големина, без млеко и без шеќер.

Главниот град на Катар, Доха, се наоѓа на врвот на листата. Таму луѓето во просек мора да издвојат 5,47 евра за една шолја кафе.

Копенхаген е на второто место, а шолја од оваа топла напивка во престолнината на Данска изнесува 4,98 евра.

Во Дубаи една шолја кафе чини 4,87 евра, а во Цирих – 4,26 евра.

Потоа следуваат Шангај со 3,93 евра, Пекинг - 3,78 евра, Виена со 3,71 евра и Москва со 3,67 евра, додека кафето во Њујорк е нешто поевтино и чини 2,67 евра.

Поповолни цени имаат Њу Делхи, каде што шолја кафе чини 1,30 евро, Сао Пауло – 1,28 евро, Јоханесбург со 1,27 евро, Истанбул - 1,20 евро, Каиро - 1,15 евро и Милано - 1,14 евро.

Најповолни цени на кафето има во Мумбај - 0,90 евра, Рим - 0,85 евра, Лисабон - 0,63 евра и Лагос - 0,53 евра.