Култната воведна шпица на Симпсонови од првата епизода, што почна да се емитува во 1990 година, е рекреирана од рускиот аниматор Ленивко Квадратјич, наречен Лејзи Сквер. Во оваа мрачна верзија на една од најголемите хумористични серии, на Симпсонови им е даден чернобилски приказ на градот со ликовите што се толку ужасни, што е тешко да се гледаат.

Место живи бои, во оваа верзија преовладуваат сиви и мрачни нијанси, а музиката во позадина е „Едерлези“ на Бреговиќ. Покрај морничавата атмосфера, морничаво е и дејствието - Барт е жртва на грабеж, Хомер краде ламби од канцелариите, Марџ е груба кон продавачките, а на Лизи  морничав начин ѝ приоѓаат два полицајци. Завршната сцена е можеби најмрачна - расправијата меѓу Хомер и Марџ, нивната физичка пресметка и сцената со крв.



Фото: Screenshot/YouTube