Буенос Аирес ја проширува мрежата на велосипедски патеки до центарот на градот во обид да ги охрабри жителите да прават еден милион велосипедски патувања дневно до 2023 година.

Во главниот град на Аргентина веќе има велосипедски патеки долги 250 километри, но последниот план предвидува изградба на велосипедски патеки долги дополнителни 17 километри покрај некои од најкористените улици во центарот на градот.

Пред пандемијата Буенос Аирес бил рангиран на 66. место на листата со градови со најголем метеж и нивото на загаденост на воздухот во градот растело. Новиот систем за бесплатно користење велосипеди и новите метро-станици веќе имаат влијание, но градот сега сака да оди чекор понапред и да ја прошири мрежата на велосипедски патеки за да вклучи централни подрачја.


Новите патеки ќе ги поврзуваат предградијата со центарот. Во градот, луѓето треба да поминат помалку од 5 километри за да стигнат од една до друга дестинација во половина од случаите, па затоа властите се надеваат дека тие почесто ќе користат велосипед. Властите се надеваат дека на тој начин ќе се намалат загаденоста на воздухот и метежот.

Побарувачката за велосипеди во Аргентина се зголемила за 50% минатата година.


Истовремено, повеќе градови низ светот ги охрабруваат граѓаните да користат велосипеди за време на пандемијата за да се намали метежот во јавниот превоз. Богота, главниот град на Колумбија, изградила 117 километри нови велосипедски патеки за време на пандемијата, а Њујорк гради 400 километри велосипедски патеки и ги обновува крстосниците за да бидат побезбедни за велосипедистите и пешаците.

Милано гради 35 километри нови велосипедски патеки, а Париз ја проширува мрежата на велосипедски патеки до предградијата.

Автор: Даглас Брум
Извор: weforum.org