Раџ Мохан работи во корпоративна фирма, но во слободното време е фотограф на диви животни кој сака да ја истражува богатата биолошка разновидност во Индија.
Речиси една деценија тој патувал низ земјата и ги развивал своите фотографски способности за воздушни фотографии. Една неодамнешна авантура вклучувала документирање на годишната миграција на фламингата во езерото Пуликат во Тамил Наду. Неговите фотографии од оваа неверојатна миграција се празник за очите.
Секој јануари десетици илјади фламинга се пробиваат до оваа голема водна површина, лагуна која е втора по големина во Индија. Мохан бил еден од многуте фотографи што пристигнале на настанот. Благодарение на неговите фотографии, можеме да ја видиме прекрасната геометрија на овие фламинга додека се шират во кластери, создавајќи различни формации.
- Гледањето во бескрајното розово море поради десетиците илјади фламинга во езерото беше неверојатно искуство. Исто така, фламингата се социјални птици и тие остануваат во јата/колонии и се држат заедно од различни причини. Нивните карактеристики на однесување беа импресивни, а движењата на јатата кои формираат различни форми беа вистинска уметност - вели Мохан.