Додека трае часот, си играат игри, се допишуваат со другарите, се сликаат и се снимаат... Ова го прават ученици додека се на настава, не се сконцентрирани на материјата што се предава, не учествуваат во часот. Некои наставници и професори умеат да се справат со оваа појава, но нивни колеги не можат. Психолозите, пак, се на ставот – употребата на телефони на училиште треба да биде лимитирана, а за време на наставата недозволена, во интерес на правилниот психофизички развој на децата.