Американските научници од Универзитетот во Сан Диего измислиле микрочип кој ќе биде вметнат во телото за да се измери нивото на алкохол и на дрога во нашата крв.

Замислено е таквиот тип микрочип во иднина да биде ставан во тела на пациенти што страдаат од зависности.

Најчестите начини за мерење на нивото на алкохол во телото моментално се вршат со уреди или преку тестирање на крвта, но тие бараат соработка од страна на пациентот или стручност на оној што ја зема крвта. Инсталирањето на микрочипот би ги елиминирало овие два недостатока на традиционалните методи.


Раководителот на проектот, Дру Хал, вели дека се покажало дека чипот работи со алкохол, но не сакаат да запрат тука, туку сакаат целиот концепт да се прошири и да се произведат микрочипови кои ќе мерат и други супстанции, како дрога.

- Крајната цел е да се произведе уред за следење на нивото на дрога и на алкохол за програмата за лекување на зависности - рече Хал.