Дури и да не можеме да го видиме тоа, Земјата е постојано во движење. Фотографот Арон Џенкин од Корнвол доловува колку ротира планетата во неверојатно тајмлепс-видео на британскиот брег.
Користејќи екваторијална монтажа - уред кој има ротациона оска паралелна со оската на ротацијата на Земјата, тој успеа двочасовна снимка да ја спои и да направи видео кое трае помалку од 15 секунди. На видеото се гледа како се навалува хоризонтот до драматичен агол.
- Направив тајмлепс-видео на Млечниот Пат во Корнвол минатата ноќ - пишува Џенкин во описот на видеото.
Тој ја поставил својата камера со поглед кон карпа, океанот и ѕвезденото ноќно небо. Додека чамците патуваат низ водата, а зраците на светлината трепкаат горе, камерата ја следи ротацијата на планетата и ја врти сликата на нејзината страна.
Фото: Aaron Jenkin