14.10.2019
Забава
Илон Маск го сруши интернетот со лажна вест
Ако не го следите Илон Маск на „Твитер“, ќе добиете желба да го направите тоа по еден негов урнебесен твит.
Милијардерот објави скриншот од насловна вест од сатирична веб-страница која на шега напишала дека тој ја купил играта „Фортнајт“, со која се опседнати тинејџерите низ целиот свет, само за да ја избрише.
Ако родителите веќе се радуваат на ваквата вест, жално е што таа е лажна.
- Мораше да биде сторено, нема за што - напиша на својот твитер-профил Илон Маск.
Од „Фортнајт“ насловната фотографија од нивниот „Твитер“ е црна, а црна е и заднината. Моментално во живо има видео што се чини дека го означува крајот на „Фортнајт“. Под твитот родителите ги споделуваат реакциите на нивните деца на веста дека „Фортнајт“ повеќе не постои.
Подготвил: Тамара Гроздановски