Барате работа и ги пребарувате сите можни места кои нудат можности? Доколку мислите да барате работа, најдобро би било прво да го проверите вашето присуство на социјалните мрежи.
Работодавците ги користат социјалните мрежи за да ги проверат потенцијалните кандидати - социјалните мрежи како LinkedIn, Twitter и Facebook се само рутинска проверка која ја прават работодавците. Овој инфографик ви покажува неколку чекори кои можете да ги направите за да го подобрите вашиот профил.
Еден од чекорите е да создадете личен бренд на социјалните мрежи. Овој чекор бара постирање на фотографии, коментари и мислења кои треба да ве претстават во добро светло. Друг чекор е да ги следите работодавците на Twitter, особено оние кои се во вашата специфична индустрија или позиција. Следно што треба да го направите е на вашиот паметен телефон да симнете апликации за пребарување на работа.
Барањето работа никогаш не е лесно. Потребно е време и напор за да се направи CV, мотивационо писмо, како и кандидатот да се подготви за интервју, а сега и присуството на социјалните мрежи. Лесно е да ставате несоодвени фотографии, да зборувате лошо за вашиот шеф и да критикувате некој - но, секогаш имајте на ум дека вашите потенцијални работодавци имаат можност да го разгледаат вашиот профил. Запомнете дека треба да бидете внимателни што постирате.
