Палеонтолозите кои работат во Етиопија пронашле долен дел од вилица со пет заби од непознат хоминид кој живеел пред 2,8 милиони години. Фосилот има комбинација од примитивни и модерни делови, што е причина за заклучокот на истражувачите дека тоа е најстариот примерок од човековиот род, односно најстариот познат предок на модерниот човек.

Откритието на се' уште неименуваниот хоминид го враќа назад појавувањето на човековиот род за приближно 400.000 години. Фосилот е доказ дека човекот првпат се појавил во источна Африка пред приближно 3 милиони години.


Фосилот бил пронајден во 2013 година. Таквите фосили се неверојатно ретки. Примероците од овој временски период не се зачувуваат добро.

На прес-конференцијата одржана изминатата недела, Вилиам Кимбел, палеоантрополог од државниот Универзитет во Аризона посочил дека не би било точно да се изјави дека овој примерок е најраниот човеков фосил кој бил откриен.

Овој вид не е директен предок на хомо сапиенсот, но истражувачите тврдат дека тој еволуирал во денешниот човек.