Што го тера еден човек да верува дека го посетил рајот? Дали постои научен начин со кој може да се докаже што навистина се случува?

Во априлското издание на „The Atlantic“ Гидео Личфилд започнува емпириско истражување на искуства со блиската смрт, заклучувајќи дека мора да се спроведат построги истражувања со цел да се разбере што се случува во умот на оние луѓе кои ги искусиле тие работи.

Една работа е многу јасна. Искуства блиски со смртта се главни настани во животот на луѓето. „Тие претставуваат катализатори за созревањето на човек на многу различни нивоа - психолошко, емоционално дури и физиолошко“, вели психијатрот Мич Леистер.