Битолскиот Средношколски пленум  за вторник од 10 до 14 часот најави бојкот на наставата  во средното  Техничко училиште во Битола.  Тие повикаа  да им се приклучат сите средношколците, а од поддршката што ќе ја добијат, ќе одлучат дали бојкотот ќе го прошират и во останатите училишта.

„Бојкотот ќе се спроведе по примерот на средношколците во другите градови на Македонија, затоа што бевме игнорирани од Министерсвото за образование и не е одговорено на наште барања за средба, а се оствари средба со Средношколската унија, која според нас не е легитимно тело за преговори.  Уште еднаш упатуваме барање за средба со Средношколскиот пленум, а нашите барња се познати, враќање на стариот модел на државна матура и  укинување на екстерното тестирање“, изјави Евгениј Литовски од Средношколски пленум, Битола.

Средношколците побараа поддршка од  наставниците, но и од  родителите во битката против, како што велат, лоште реформи во образованието.