Патувањето со екстремно висока брзина во цевка звучи нереално или барем звучеше сè додека Илон Маск не излезе во јавноста со предлог за ваков концепт.

57-те страници напишани од страна на извршниот директор на „Тесла“ беа само почеток. На концептот во моментов работат 400 луѓе - вработени во „Space X“ или „Тесла“, а веќе е најавена реализација на проектот во 2016 година.


Прототипот кој ќе биде готов наредната година ќе поминува низ долина меѓу Сан Франциско и Лос Анџелес. Патниците би можеле да ја поминат оваа дистанца за само 30 минути.

Тимот научници и инженери кои работат на проектот се дел од стартап-компанија, за која има доволно потенцијални инвеститори. Нивната мотивација е јасна - ова е шанса да се работи на револуционерен начин на превоз кој може да ја дефинира иднината.


Предизвикот за тимот е задржување во границите на буџетот и енергијата. Конечната цена на проектот не е позната.