Денеска во преполната прва хала на Скопски саем
беше отворен 41-от Меѓународен саем на металургија, електроника,
енергетика, нематали, градежништво, обезбедување и заштита, ТЕХНОМА
2015, кој ќе се одржува од 13-ти до 17-ти октомври. Повеќе од 185
директни од кои 135 домашни и 50 странски учесници ќе се претстават на
на Скопски саем, каде се очекува посета од повеќе од 25.000 посетители.
Истовремено, за време на Технома ќе бидат отворени и 16-от
Меѓународен саем за занаетчиство и мало стопанство и 35-та
Меѓународна изложба на иновации, Макинова. Домашните и странските
компании ќе ги претстават своите најнови технолошки достигнувања, каки
и проектите за енергетска ефикасност и иновации.
Оваа година во фокусот на Технома 2015 ќе бидат иновациите,
енергетската ефикасност и LED технологиите.
„Оваа меѓународна саемска манифестација која од година во година е се
подобра секогаш му е потребна на стопанството. Потврда на
меѓународниот карактер на Технома се учествата на компании од цела
Европа и пошироко од светот. На Технома 2015 ќе учестуваат компании
од Тајван во организација на Советот за развој на трговијата со
странство на Тајван (Taiwan External Trade Development Council) и преку
Тајванскиот центар за трговија во Софија (Taiwan Trade Center Sofia).
ТАИТРА нуди кориснички услуги за промоција на производи и услуги,
развој на пазарот, пронаоѓање на производи/снабдувачи, изложби/средби,
поврзувања на бизниси и инвестиции. Исто така на Технома 2015 ќе се
претстават и повеќе фирми од Унгарија и Австрија. Технома 2015 ќе се
простира на 3 хали во кои ќе се преставуваат фирмите, во 4-та хала ќе
се одвиваат Макинова и Форумот за иновации и технолошки развој. Во
4-та хала се и стручните факултети со постер презентации на
иновативните методи. Нивната идеја е да се поврзат компаниите со
образованието и да се најде интерес за заедничко аплицирање за
проекти во фондот. Во рамките на „Форумот за иновации и технологии“
организиран во соработка со Фондот за иновации и Скопски саем, секој
ден ќе се одржуваат работилници на различни теми, истакнаa од
Скопски Саем.
Секој ден од 11 до 18 часот на Форумот за иновации и технологии се
предвидени активности и сите оние кои се заинтересирани имаат шанса да
дојдат да се информираат, меѓутоа и да најдат потенцијални партнери за
аплицирање за средства до Фондот за иновации и технолошки развој.
Работилниците пак ќе бидат секој ден на различни теми: „Финансирање на
иновации“, „Соработка на развој на иновации“, „Соработка за развој на
иновации“, „Секторски пристап во трансфер на технологии“ и „Ден за старт
ап претпријатија“.