Од четврток, 15 октомври, во Хрватска ќе може да се користи марихуаната за медицински цели. На сила стапува правилникот на Министерството за здравје со кој се дозволува нејзино користење за заболените од склероза, карцином, епилепсија и СИДА.

Во рамките на тоа е направен план за увоз на лековите на база на марихуана во Хрватска, а таквите лекови ќе може да се продаваат само со лекарски рецепт. Лековите ќе ги препишуваат одбрани доктори по медицина во областа на општата медицина, здравствена заштита на предучилишни деца и здравствена заштита на жените по препорака на доктори по медицина, специјалисти во неврологија, интернистичка онкологија, онкологија и радиотерапија, инфектологија и специјалисти педијатри.

Лековите кои содржат ТХЦ ќе може да се препишуваат на рецепт во количина потребна за лечење до најмногу 30 дена, а вкупното количество од супстанцата не смее да биде поголемо од 0,75 грама.

Стручната комисија за легализација на употребата на марихуана во медицински цели завршила во август и со својата работа утврдило дека собраните научни докази покажуваат дека лековите на основа на марихуаната не лечат или трајно излекуваат малигни болести, но ја спречуваат прогресијата и ги намалуваат симптомите.