Студентите од Универзитетот во Мисури ги напуштија предавалните на факултетите во текот на вчерашниот ден по повеќе расистички настани кои се случиле на кампусот. Причината за револтот на студентите е непреземањето акција од страна на претседателот, односно деканот на универзитетот, Тимоти Волф. Ова довело до протести и барања за оставка. Деканот јавно ја даде својата оставка вчера, посакувајќи решавање на пролемите со расизмот.
Кои биле студентите кои го поттикнале на ова?
Студентот кој штрајкувал со глад
Студентот Џонатан Батлер го привлече вниманието кон проблемите на својот универзитет кога стапи во штрајк со глад за да добие оставка од деканот.
Фудбалскиот тим
Фудбалскиот тим на универзитетот протестираше со штрајк во текот на викендот. Тие не планирале да се вратат на тренинг сè додека нивниот колега Џонатан не престане со штрајкот со глад и на тој начин го поддржале во протестот.
Студентски групи
Фудбалскиот тим, како и Џонатан барале медиумско покривање, но протестите на универзитетот започнале со две студентски групи.
Овие групи први побарале преземање мерки против расизмот на кампусот, по што универзитетот понудил специјална обука за вработените. Активистите не биле задоволни и започнале протест на 10 октомври, барајќи оставка од деканот.