Обединетите нации објавија
база на податоци со 112 компании што придонесуваат за порастот на израелските населби во окупираната Палестина. На листата се најдоа американските компании „Ербиенби“, „Експедија“ и „Трип адвајзор“.
Во извештајот на ОН компаниите се обвинети дека нуделе услуги кои го поддржувале одржувањето на израелски населби во Палестина заради бизнис-цели. „Џенерал Милс“ користела природни извори, особено вода и земја, за бизнис-цели, а „Моторола солушнс“ нудела опрема за идентификација и снимање.
Фото: Pixabay
ОН работеле на извештајот две години и за тоа време ги истражувале израелските населби во Палестина и нивното влијание на Палестинците во окупираната територија. Во извештајот има и компании што се обвинети за продавање опрема и материјали со кои се изградени населбите и ѕидовите, како и продавање опрема за уништување домови, фарми и ниви, но и фрлање отпад во палестински села.
Во базата на податоци главно се наоѓаат американски, британски, холандски и израелски компании, а таа ќе биде ажурирана на годишно ниво.
Автор: Лејла Етачфини
Извор:
vice.com