Дозволете ни да ви претставиме една од друштвените игри што старите Римјани ги играле пред 1.700 години. Играта се вика ludus latrunculorum, а изгледа дека една верзија од неа е откопана од могила во Норвешка.


Наоѓалиштето Итре Фросе во Западна Норвешка датира од раното железно време, околу 300 година н.е., и се наоѓа до важна морска маршрута позната како „Нордвеген“ или „Северен пат“. Некои научници мислат дека била толку важна, што е можно и Норвешка да го добила името по неа.

Многу ретко археолозите наоѓаат големи сетови со делчиња како што е овој во Скандинавија, но локацијата на пронајдокот би можела да даде објаснение за тоа како играта се нашла таму - можеби била начин за социјализација или губење време на трговците.

Според археолозите, могилата каде што биле пронајдени деловите од играта најверојатно му припаѓала на некој со значителен статус. Другите откопани парчиња - како глинени садови, коска, бронзена игла и изгорено стакло - ја поддржуваат таа идеја.


Откопаните делчиња од играта се направени од коски и се релативно добро сочувани, велат истражувачите. Ова е фасцинантен поглед во минатото на човештвото и може да им каже на историчарите повеќе за развојот на културата на Норвежаните во раната железна доба.

- Наоѓањето на игра, која е стара речиси две илјади години, е фасцинантно. Ни кажува дека луѓето тогаш не биле многу поразлични од нас - заклучува Рамстад.

Извор и насловна фотографија: Science Alert