Јапонскиот парламент одобрил промени во законот со кои навредите на интернет може да бидат казнети со затвор. Во земјата актуелна е дебатата за сајбер-насилство откако телевизиска ѕвезда се самоуби поради лоши коментари на социјалните мрежи.

Според промените во законот, кои ќе стапат во сила летово, корисниците на интернет што ќе упатат навреди онлајн може да бидат казнети со затвор од една година или да добијат парична казна од околу 2.200 долари. Досега казните за ваквите дела биле притвор од најмногу 30 дена и парична казна од околу 75 долари.


Критичарите на законските промени велат дека тие може да го нарушат правото на говор и да го спречат критикувањето на оние на власт, но според поддржувачите, промените биле потребни. Сеихо Чо, адвокат од Јапонија, предупредува дека промените во законот не даваат јасна дефиниција за навреда и не е јасно што би можело да се смета како казниво дело.

Темата за сајбер-насилство е актуелна во Јапонија последните неколку години, особено по смртта на ѕвездата Хана Кимура. Оваа 22-годишна девојка, која била позната по улога во серија, си го одзела животот во 2020 година, а многумина сметаат дека причината лежи се лошите коментари што ги добивала онлајн месеците пред нејзината смрт.

Извор: CNN
Насловна фотографија: Pixabay