Џим Морисон важи за еден од најпознатите, најпопуларни и највлијателни пејачи во историјата на рок-музиката, а неговата група „The Doors“ се смета за една од највлијателните рок-групи, и не само од музички аспект.

Освен водечки вокал и текстописец, Морисон е и автор на неколку книги поезија, документарни и кратки филмови и неколку музички спотови.

Ова се некои мудри мисли што ги кажал во текот на неговиот живот.

- Оној што ги контролира медиумите, го контролира и умот.

- Најважниот вид слобода е да бидеш она што навистина си. Си ја продаваш реалноста за улога. Се откажуваш од способноста да чувствуваш, а за возврат ставаш маска.

- Ако мојата поезија има цел, тоа е да ги ослободи луѓето од ограничените начини со кои гледаат и чувствуваат.

- Љубовта не може да те спаси од сопствената судбина.

- Се плашиме од насилството помалку отколку од сопствените чувства. Личната, приватната, осамена болка е пострашна од тоа што некој друг може да ти го нанесе.

- Омразата е многу потценета емоција.

- Пријател е некој што ти дава целосна слобода да бидеш свој.

- Дрогата е облог со твојот ум.

- Луѓето повеќе се плашат од смртта отколку од болката. Чудно е што се плашат од смртта. Животот боли повеќе од смртта. Кога станува збор за смртта, болката ја нема.