Конечно имаме „Netflix“ во Македонија. Благодарејќи на сервисот може да гледате многу серии и филмови на повеќе уреди: телевизори, компјутери, мобилни телефони, таблети и конзоли. Доколку не сте воодушевени досега, пробајте ги овие трикови за да го направите сервисот подобар.

Оценувајте сè што гледате

„Netflix“ сака да знае што сакате да гледате пред самите да одлучите. За нивните алгоритми да може полесно да ја пронајдат вашата нова омилена серија, оценувајте сè што гледате.

Направете повеќе профили за повеќе личности

За да нема семејни сплетки, направете посебни профили за секој член на семејството. Така вие ќе уживате во сопствено искуство на „Netflix“.

Вклучете оцени од IMDB и „Rotten Tomatoes“, гледајте трејлери

„Netflix enhancement suite“ е чудо кое се состои од повеќе чуда. Наместо да барате податоци за филмовите, сите може да ги гледате со оваа екстензија за „Google chrome“, а со него може и да ставате оцени на угледни интернет-страници за филмови.


Имате врска на далечина? Гледајте филмови заедно

Доколку имате блиска личност оддалечена на километри од вас, „Rabbit“ ќе ви олесни заеднички да гледате филмови. Апликацијата не е ограничена само на филмови, туку со неа може да соработувате и на проекти, да испраќате видео пораки и многу друго.

Отклучете содржини од целиот свет со екстензија

„Mediahint“ екстензија со која за само 3 долари може да имате пристап до било кој „Netflix“ во светот, но и до други услуги кои ви се заклучени поради локацијата.