Во четврток (4.02.2016) ќе се одржи дебата на тема „Актуелните предизвици на процесот на иселување на високообразовани млади луѓе од Република Македонија“.
Дебатата е организирана од страна на Здружението за граѓански и младински политики Центар за Европски Иницијативи - Скопје.
Центарот за Европски Иницијативи (ЦЕИ) претставува организација чијашто мисија е промоција на европските вредности преку поттикнување на граѓаните, а особено на младите, да придонесат кон унапредување на граѓанското општество, демократијата, владеењето на правото и човековите права, кое нешто цели да го оствари преку разни активности во таа насока.
Целта на дебатата е поттикната од трендот за иселување на младото население од државата во последните години, кое постојано се зголемува.
На дебатата ќе учествуваат претставници од: Агенцијата за вработување на Р. Македонија;
проф. д-р Аница Драговиќ – продекан на Филозофскиот Факултет, чија специјалност се демографските промени и движења; проф д-р Диана Белевска - др.сци. клинички психолог; претставник од бизнис секторот - една од најуспешните комапнии во Македонија кои инвестираат во млади и имаат младински програми.
Учесниците од своја страна ќе го анализираат проблемот за одлевање млади мозоци од Македонија.
Настанот ќе се одржи во Македонската академија на науки и уметности (МАНУ), во големиот амфитеатар, со почеток од 9:30 часот.