Резултати од ново истражување покажуваат дека начинот на кој ги процесираме информациите во мозокот може да игра улога во верување но натприродните работи.

Истражувачите Дејвид Греј и Стивен Гало ја истражувале врската меѓу точноста на спомените и верувањето во натприродните способности и настани. Имено, вербата во натприродното се јавува кај луѓето кои послабо размислуваат аналитички.

Во три различни истражувања, Греј и Гало ги барале разликите во верувањето на натприродното меѓу скептиците и верниците. Откритијата покажале дека двете групи не се разликувале во основните способности за помнење, но скептиците почесто биле способни за успешно анализирање и проценување податоците и сопствените искуства во споредба со испитаниците кои веруваат во натприродното. Поточно, скептиците биле подобри во логиката, задачите за наоѓање поврзаност, анкета за теории на заговор и тест за оцена на аргумент.

Соодветно на резултатите, Греј и Гало сметаат дека разликите во критичкото размислување и знаењето може да играат улога во раѓањето на вербата во паранормалните настани и искуства.

Тие посочуваат и дека улога може да играат и други фактори, како социокултурни и психолошки. На пример, речиси 70% од испитаниците кои веруваат изјавиле дека нивните верувања се соодветни на оние на блиските пријатели и семејството.

Конечно, била откриена и врска меѓу вербата во натприродното и задоволството од животот. Имено, вербата во натприродното може да има психолошки поволности за некои индивидуалци.