Овој билборд изгледа сосема обично, но тој, всушност, убива комарци кои го носат вирусот зика.

Бразил се обидува да се ослободи од вирусот зика пред Олимпијадата, а последниот обид за тоа се билборди кои мирисаат како луѓето за да привлекуваат комарци. Комарците кои ќе се приближат до билбордите се заробени во замки и продолжуваат да живеат во знакот, неспособни да касаат било кого и со тоа да го шират вирусот.

Билбордите биле дизајнирани со лиценца од „Creative commons“, што значи дека не можат да бидат патентирани и може да се користат и од други градови и земји.

Ова не е единствен билборд кој го привлече вниманието на јавноста. Претходно беше создаден билборд кој обезбедува вода за пиење за изолираните региони во Перу, како и билборд кој го чисти воздухот.